एकात्मिक बाल विकास सेवा योजना प्रकल्प जावली आणि हिरकणी फाउंडेशन यांच्या संयुक्त विद्यमाने मेढा येथे राष्ट्रीय पोषण आहार कार्यक्रम अंतर्गत सुदृढ बालक आदर्श पालक फॅशन शो स्पर्धा घेण्यात आली. जावली तालुक्यात पहिल्यांदाच असा कार्यक्रम असून देखील 40 हुन जास्त बालक व मातानी विविध वेशभूषा करत सहभागी होऊन उपस्थितांना पोषण आहार चे महत्व पटवून दिले.

आळजापूर, ता. फलटण येथील महिलांनी पोवई नाक्यावरून थेट पालकमंत्री शंभूराज देसाई यांच्या निवासस्थानापर्यंत बुधवारी मोर्चा काढला. व्यसनमुक्त युवक संघाचे अध्यक्ष हभप विलास बाबा जवळ यांच्या मार्गदर्शनाखाली हा मोर्चा काढण्यात आला पालकमंत्र्यांनी आंदोलन महिलांची भेट घेत आळजापूर येथील परमिट रूम प्रकरणाचा फेर अहवाल पुन्हा मागवण्यात येईल, असे आश्वासन दिले. त्यानंतर आंदोलन मागे घेण्यात आले.

घटस्थापना म्हणजे भक्ती शक्तीचा चैतन्यमय उत्सव. या उत्सवाला दिनांक 3 ऑक्टोबर पासून सुरुवात होत आहे. यामुळे बाजारपेठेत रेलचेल वाढली असून घटासह माती आणि इतर पूजेचे साहित्य खरेदी करण्यासाठी राजवाडा परिसरातील बाजारपेठेत नागरिकांची गर्दी उसळली आहे. आनंद व मांगल्याचे प्रतीक असलेल्या दुर्गादेवीची प्रतिष्ठापना जवळ आल्याने दुर्गा भक्तांमध्ये उत्साह वाढला आहे.

सातारा तालुक्यातील शेंद्रे येथे महामार्गाच्याकडेला अंधारात उभ्या असलेल्या ट्रकला पाठीमागून कारने जोरदार धडक दिली. घटनेनंतर अज्ञात ट्रकचालकाने लगेच पलायन केले. या अपघातात कारमधील एका वृद्धाचा जागीच मृत्यू झाला, तर पाचजण गंभीर जखमी झाले.

कोडोली येथून अज्ञात चोरट्याने दुचाकीची चोरी केल्याची फिर्याद सातारा शहर पोलीस ठाण्यात नोंदविण्यात आली आहे.

दि.१ ऑक्टोंबर या जागतिक जेष्ठ नागरीक दिनाचे औचित्य साधून सातारा जिल्हा पोलीस दलाचे वतीने ज्येष्ठ नागरिकांसोबत साजरा करण्यात आला. यावेळी भरोसा सेल सातारा येथील पोलीस अधिकारी व अंमलदार यांनी जेष्ठ नागरीकांना जेष्ठ नागरीक कायदा २००७ मधील तरतुदीबाबत सविस्तर माहिती देण्यात आली.

सातारा शहरातील वेगवेगळ्या पाणीपुरवठा योजना आणि पाणी वितरिका यांना स्मार्ट जलमापके बसवली जाणार आहेत. या कामाचा ऑनलाइन शुभारंभ भारताचे पंतप्रधान नरेंद्र मोदी यांच्या हस्ते केला जाणार आहे. हा कार्यक्रम सातारा पालिकेच्या छत्रपती शिवाजी सभागृहात सकाळी दहा वाजता आयोजित करण्यात आला आहे. मुख्यमंत्री एकनाथ शिंदे व उपमुख्यमंत्री देवेंद्र फडणवीस ऑनलाईन या कार्यक्रमांमध्ये सहभागी होणार आहेत.

किरोली तालुका कोरेगाव येथील ग्रामस्थांनी जिल्हा मार्ग 33 येथील रेल्वे मार्गावर नाली क्रमांक 339 ही तीन मीटर रुंद व तीन मीटर उंच आहे. या नालीची उंची तात्काळ वाढवण्यात यावी. कारण ग्रामस्थांना वाहतुकीला अडथळा येत आहे. या संदर्भात रेल्वे प्रशासन यांनी तातडीने कार्यवाही करावी अन्यथा तारगाव स्टेशन येथे रेल्वे रोको करण्यात येईल, असा इशारा किरोली ग्रामस्थांनी दिला आहे.

खेड ग्रामपंचायतीच्या हद्दीतील दिव्यांग महिला लतिका जगताप यांचे घराचे राहते शेड खेड ग्रामपंचायत च्या वतीने विरोध करूनही पाडण्यात आले. या कारवाईचे प्रत्यक्ष कारण समजू शकले नाही मात्र या घटनेच्या निषेधार्थ दिव्यांग बांधवांनी पालकमंत्री शंभूराज देसाई यांच्या निवासस्थानासमोर आंदोलन केले. सातारा शहर पोलिसांनी या आंदोलनात तातडीने हस्तक्षेप केला.

सातारा शहरातील फळभाजी व्यापारी सामाजिक कार्यकर्ते व संजीवन बहुउद्देशीय सामाजिक सेवाभावी संस्थेचे अध्यक्ष रवींद्र कांबळे यांनी निराधारांच्या पुनर्वसनाचा संकल्प सोडला असून या कामासाठी समाजातून मोठा निधी उभा राहावा यासाठी ते प्रयत्नरत आहेत.