आमच्या महायुतीच्या सरकारने लाडकी बहीण योजना सुरु करुन माता - भगिनींच्या बँक खात्यात दरमहा दीड हजार देण्याचा निर्णय अंमलात आणला. पण त्यामुळे शरद पवारांच्या पोटात दुखायला लागले आहे. फुकटचे खायची सवय लावू नका, असे सुप्रिया सुळेही सांगू लागल्या आहेत. तसे पहायला गेले तर फुकटचे खायची सवय पवारानांच आहे.

गाडीवरून येताना चुकून धक्का लागल्याचे निमित्त झाल्याने आठ जणांनी दोघांना रॉडसह लाथा बुक्क्यांनी बेदम मारहाण केल्याची घटना दिनांक तीन रोजी रात्री अकरा वाजता कोडोली येथील राजेश चायनीज सेंटर समोर घडली आहे. या मारहाणीत लवप्रीत हिरमेशलाल सफरा वय 22 राहणार गायत्री कॉलनी, एमआयडीसी, कोडोली मूळ राहणार बादरपुर पंजाब व त्याचा मित्र नवप्रीत हे जखमी झाले आहेत.

सातार्‍यात शिक्षण घेणार्‍या अल्पवयीन मुलीचा वारंवार पाठलाग करून तिला मानसिक त्रास दिल्याप्रकरणी शर्विल बर्गे वय 20 राहणार गोडोली याच्यावर सातारा शहर पोलीस ठाण्यामध्ये पोक्सो अंतर्गत गुन्हा नोंद करण्यात आला आहे.

विवाहितेचा जाचहाट करून तिचा मानसिक छळ केल्याप्रकरणी पती, सासरे, नणंद व नंदावा यांच्यासह अन्य दोघांवर शाहूपुरी पोलीस ठाण्यात गुन्हा दाखल झाला आहे.

झरेवाडी, पोस्ट करंडी, ता. सातारा येथील वृद्धाला इलेक्ट्रिक पोलचा शॉक लागून ते बेशुद्ध झाले. उपचारापूर्वीच ते मयत झाल्याचे वैद्यकीय अधिकार्‍यांनी घोषित केले. रामराव शिवाजी जाधव वय 58 असे मयत वृद्धाचे नाव आहे. शुभम रामराव जाधव यांनी याबाबतची खबर सातारा तालुका पोलीस ठाण्यात दिली आहे.

अल्पवयीन युवतीवर वारंवार अत्याचार करून तिला लग्नाचे अमिष दाखवल्या प्रकरणी करंजे तालुका सातारा येथील प्रेम किरण साळुंखे वय21 राहणार कुंभारवाडा महालक्ष्मी मंदिर शेजारी करंजे पेठ सातारा याच्यावर शाहूपुरी पोलीस ठाण्यामध्ये गुन्हा दाखल झाला आहे.

ट्रॅक्टर चोरी करण्यापूर्वी मार्गाची रेकी करून तो परस्पर लांबवणार्‍या आंतरजिल्हा टोळीचा फलटण ग्रामीण पोलिसांनी चिकाटीने तपास करून पर्दाफाश केला आहे. याप्रकरणी तीन अट्टल गुन्हेगारांना अटक करण्यात आली असून त्यांच्याकडून सात ट्रॅक्टर व एक मोटरसायकल असा 64 लाख 70 हजार रुपये किंमतीचा मुद्देमाल जप्त करण्यात आला आहे.

सातारा शहर परिसरात अवैध पद्धतीने फटाक्यांचा साठा केल्याप्रकरणी सातारा शहर पोलिसांनी दोघांवर गुन्हा दाखल केला आहे. या कारवाईमध्ये पंचांसमक्ष 90 हजार रुपये किंमतीचे अवैध फटाके व दारू जप्त करण्यात आली आहे.

रचनात्मक समाज हा मानवी कल्याणासाठी नेहमीच प्रेरक असतो. या रचनात्मक समाजासाठी त्यांना मार्गदर्शन करणारे बहुआयामी व्यक्तिमत्व दिशादर्शक ठरतात. भाजपच्या गटनेत्या व आचार्य सिद्धी पवार हे असेच व्यक्तिमत्त्व आहे. विविध क्षेत्रात आपल्या कामाचा ठसा उमटवणार्‍या सिद्धी ताई यांनी अल्पावधीत केलेले कार्य प्रेरणादायी आहे, असे उद्गार अभिनेते स्वप्निल जोशी यांनी काढले.

वाई, खंडाळा महाबळेश्वर विधानसभा मतदार संघात माझ्याच घरात सर्व सत्ता घेवून विद्यमान आमदारांनी लोकशाहीची थट्टा चालवली आहे. मीच आमदार, माझाच भाऊ खासदार, जिल्हा बँकेचा चेअरमन देखील आमच्याकडेच..,मीच दोन्ही साखर कारखान्याचा चेअरमन, आम्हीच बाजार समितीचे संचालक, आम्हीच सरपंच...