खाजगी सावकारीतून होणार्‍या मानसिक, शारीरिक त्रासाबद्दल सांगलीकर बंगला, महाबळेश्वर येथील अनिकेत विठ्ठल ढेबे या युवकाने या प्रकरणात न्याय न मिळाल्यास कुटुंबासह आत्मदहनाचा इशारा दिला आहे. या प्रकारास सर्वस्वी पोलीस प्रशासन जबाबदार राहील, असेही त्यांनी प्रसार माध्यमांना पत्रकार परिषदेत सांगितले.

सार्वजनिक गणेशोत्सव मंडळांनी सवलतीच्या दराने तात्पुरत्या स्वरूपात अधिकृत वीजजोडणी घ्यावी. तसेच मंडळांनी उत्सवातील देखावे, मंडप, रोषणाई व वीज सुरक्षेतील त्रुटीमुळे होणारे संभाव्य अपघात टाळण्यासाठी उपाययोजना कराव्यात, असे आवाहन महावितरणने केले आहे.

विघ्नहर्ता गणरायाच्या पाठोपाठ दाखल होणाऱ्या महालक्ष्मी अर्थात  ज्येष्ठा व कनिष्ठा  गौरीच्या स्वागताची घराघरात लगबग सुरू झाली आहे. गणपतीच्या सजावट साहित्य बरोबरच गौरींना सजवण्यासाठी लागणाऱ्या असंख्य प्रकारचे दागिने कंबरपट्टे, मंगळसूत्र, बोरमाळ, चपलाहार यासारखे असंख्य प्रकारचे दागिने तसेच विविध प्रकारचे मुखवटे आणि साड्यांनी बाजारपेठ साजल्या आहेत.

मायणी मेडीकल कॉलेज प्रकरणात फसवणूकीचा दाखल असलेल्‍या सातारा आर्थिक गुन्‍हे शाखेत हजेरीसाठी आलेल्‍या दीपक देशमुख यांना अंमलबजावणी संचालनालयाच्या (ईडी) पथकाने अटक केली. बुधवारी दुपारी सातार्‍यात एलसीबी व आर्थिक गुन्‍हे शाखेत फिल्‍डींग लावून ईडीने ही कारवाई केली.

एसटी कर्मचाऱ्यांनी पुकारलेला संप दुसऱ्या दिवशीही सुरुच होता. त्यामुळे प्रवाशांचे, विद्यार्थ्यांचे मोठ्या प्रमाणात हात झाले. दरम्यान, खासगी वडाप मात्र सुसाट होते. ज्या ठिकाणी संघटनेच्या नेत्यांचे वर्चस्व आहे, त्या आगारातील एसटीच्या फेऱ्या बंद ठेवून प्रवाशांना वेठीस धरण्याचा प्रकार सुरु आहे. त्यामध्ये कराड पूर्णत: बंद असून वडूज आगारात फक्त एकच फेरी सुरु आहे.

येत्या गणेशोत्सवामध्ये टिळक मेमोरियल चर्चच्या वहिवाटीच्या जागेवर वाहनांसाठी पार्किंग सोय करण्याचे सातारा पालिकेचे नियोजन आहे. या धोरणावर मेमोरियल चर्चा पदाधिकाऱ्यांनी निवेदनाद्वारे आक्षेप घेतला आहे याचे निवेदन निवासी उपजिल्हाधिकारी नागेश पाटील यांना देण्यात आले या निवेदनावर 23 पदाधिकाऱ्यांच्या स्वाक्षरी आहेत.

आमदार नितेश राणे यांनी पोलिसांना एकेरी भाषा वापरल्याच्या प्रकरणाचा साताऱ्यात निषेध करण्यात आला. सेवानिवृत्त पोलीस बहुउद्देशीय संस्था सातारा यांचे वतीने धरणे आंदोलन करण्यात आले.

ठोसेघर धबधबा हे कास प्रमाणेच पर्यटकांच्या आकर्षणाचे केंद्रबिंदू राहिला आहे. त्यातून आता पाऊस कमी झाल्याने पर्यटकांचा ओघ ठोसेघर धबधबा पाहण्यासाठी रोजच वाढताना दिसत आहे. वर्षा सहलीसाठी राज्यासह देश-विदेशातील पर्यटक पर्यटनासाठी ठोसेघरला पसंती देत आहेत.

सातारा तहसील कार्यालयाने आवारामध्ये दिवसेंदिवस पडून राहिलेल्या 18 वाहनांचा मंगळवारी लिलाव केला. या लिलावातून तहसीलदार कार्यालयाला 18 लाख 93000 चा महसूल प्राप्त झाला येथील परिसर वाहन मुक्त झाला असून यापुढे अशा वाहनांची गर्दी होऊ दिली जाणार नाही, अशी माहिती तहसीलदार कार्यालयातून देण्यात आली आहे.

सातारा जिल्ह्यात श्री गणरायाच्या आगमनाला केवळ 48 तास उरले आहेत. असे असताना सातारा जिल्हा पोलीस बंदोबस्त आणि कायदा सुव्यवस्थेच्या दृष्टीने सज्ज झाले आहे. पोलीस अधीक्षक समीर शेख यांच्या आदेशानुसार पोलिसांनी प्रतिबंधात्मक कारवाया रूट मार्च कोंबिंग ऑपरेशन याची तयारी सुरू केली आहे.