गणपती बाप्पा मोरया, मंगलमूर्ती मोरया, अशा खणखणीत सुरात सातारा जिल्ह्यात गणेश भक्तांनी लाडक्या गणरायाचे जल्लोषात स्वागत केले. ढोल ताशांचा गजर, वातावरणात भरलेला अखंड उत्साह आणि घरोघरी बाप्पांच्या आगमनाची आतुरता असे भक्तीमय वातावरण सातारा जिल्ह्यामध्ये ठिकठिकाणी आढळून आले. यापुढील दहा दिवस हा चैतन्य सोहळा असाच भक्तिमय परंपरेमध्ये सुरू राहणार आहे.

जिल्हयातील सहकारी संस्थांची मातृसंस्था, आपल्या उत्तम प्रशासन, उत्कृष्ठ कार्यपध्दती व सुयोग्य नियोजनामुळे राज्यातच नव्हेतर देशात सहकार क्षेत्रातील बँकिंगमध्ये सातारा जिल्हा मध्यवर्ती सहकारी बँकेने चांगली प्रगती केलेली असून या बँकेची ७४ वी वार्षिक साधारण सभा शुक्रवार दि ०६/०९/२०२४ रोजी खेळीमेळीचे व उत्साहपूर्ण वातावरणात संपन्न झाली.

मूळचे साताऱ्याचे असणारे पण सध्या दिल्ली येथे स्थायिक झालेले वैभव आगाशे हे नावाजलेले क्रीडा समुपदेशक आहे. त्यांनी कोल्हापूरच्या स्वप्नील कुसाळे या तरुणाला ऑलिम्पिक स्पर्धेसाठी आवश्यक असणारे मेंटल ट्रेनिंग देऊन या स्पर्धकाला उत्तेजन दिले. आणि मग या तरुणाने ऑलिम्पिक स्पर्धेमधील नेमबाजीसाठी  ब्रांझ पदक मिळवले. आणि साताऱ्याच्या वैभवात मानाचा तुरा रोवला.

येथील डेक्कन एज्युकेशन सोसायटी, पुणे संचलित न्यू इंग्लिश स्कूल सातारा मधील शिक्षक सुधाकर गुरव यांना यंदाचा शालामाऊली आ.ब.कंग्राळकर आदर्श शिक्षक पुरस्कार व गणित विज्ञान शिक्षिका सौ.अश्विनी वैभव कुलकर्णी यांना यंदाचा गोविंद बेडकिहाळ गणित, विज्ञान आदर्श शिक्षक पुरस्काराने सन्मानित करण्यात आले .

महाराष्ट्र मोटार वाहन नियम 1989 मधील नियम 54 अ मध्ये सुधारणा करुन नवीन नियम निर्गमित करण्यात आले आहे. या अधिसूचनेमध्ये आकर्षक, पसंतीचा नोंदणी क्रमांक जारी करण्याच्या शुल्कामध्ये सुधारणा करण्‍यात आली आहे.

राज्याच्या गृह विभागाच्या अखत्यारित येणाऱ्या पोलीस दलातील भारतीय सेवेतील आयपीएस १७ पोलीस अधिक्षकांच्या बदल्या काही दिवसांपूर्वी करण्यात आल्या होत्या. त्यामध्ये साताऱ्याचे पोलीस अधिक्षक समीर शेख यांची उपायुक्त मुंबई शहर येथे बदली करण्यात आली होती. या आदेशानंतर अवघ्या दोन तासातच या बदलीला स्थगीती मिळाली.

ऐतिहासिक मोती तलावाचा परिसर पानवेलींनी झाकला गेला असून त्यामुळे येथे अस्वच्छता वाढली आहे. लोकप्रतिनिधी खासदार उदयनराजे भोसले यांच्या निवासस्थानासमोरील या परिसरात अस्वच्छतेचे साम्राज्य असून या वेलींचे निर्मूलन करणे गरजेचे असताना वृक्ष विभागाचे आळमटळम सुरू आहे. प्रशासनाने नेमलेल्या ठेकेदाराचे या कामाकडे अक्षम्य दुर्लक्ष असून याबाबत तीव्र संताप व्यक्त होत आहे.

सातारा जिल्हा सहकारी बँकेचे चेअरमन खा. नितीन पाटील यांची महाराष्ट्रात राज्यसभा सदस्यपदी निवड झाल्यानंतर, त्यांचा आज दिल्ली येथील संसद भवनात शपथविधी झाला. उपराष्ट्रपती जगदीप धनखड यांनी त्यांना शपथ दिली. यावेळी नितीन पाटील यांनी मराठी भाषेतून शपथ घेतली.

जागतिक वारसास्थळ असणार्‍या कास फुलोत्सवाची पर्वणी आता पर्यटकांसाठी खुली झाली असून पर्यटकांना वेगवेगळ्या टप्प्यात विविध नैसर्गिक रंगीबेरंगी फुले पाहता येणार आहेत. कास पठारावरील फुलांच्या हंगामाचे उद्घाटन गुरुवारी सातार्‍याच्या उपवनसंरक्षक अदिती भारद्वाज यांच्या हस्ते झाले.

राजपथावरून वारंवार निघणार्‍या सार्वजनिक गणेशोत्सव मंडळाच्या मिरवणुकांमुळे राजपथावरील व्यापार्‍यांनी नाराजी व्यक्त केली होती. त्याबाबतचे निवेदन त्यांनी पोलीस यंत्रणेला सादर केले होते. या प्रकरणाचा गणेशोत्सव मंडळाच्या कार्यकर्त्यांनी गुरुवारी निषेध केला.