सातारा : सातारा तालुक्यातील आरफळ येथे धर्मवीर नवरात्र उत्सव मंडळ यांनी दि.2 रोजी सायंकाळी साडेसात वाजता डॉल्बी लावल्याप्रकरणी 18 जणांच्या विरुद्ध सातारा तालुका पोलीस ठाण्यात गुन्हा दाखल करण्यात आलेला आहे.

याबाबत पोलिसांनी दिलेली माहिती अशी, आरफळ येथे साबळे आळीत धर्मवीर नवरात्र उत्सव मंडळ असून त्या मंडळाचे अध्यक्ष किशोर पांडुरंग साबळे, उपाध्यक्ष अमोल सुरेश साबळे यांच्यासह इतर मंडळातील 15 जण आणि डॉल्बी मालक गणेश मारुती निकम याने डॉल्बी लावून जिल्हाधिकाऱ्यांच्या आदेशाचा भंग केला. म्हणून 18 जणांच्या वर गुन्हा दाखल करण्यात आला आहे. अधिक तपास सातारा तालुका पोलीस ठाण्याचे हवालदार वाघोरे करत आहेत.