सातारा : अपघातात वृद्धाच्या मृत्यूस तसेच वृद्धेला जखमी केल्याप्रकरणी ट्रॅव्हल्स चालकाविरुद्ध सातारा शहर पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, वृद्ध दांपत्य दुचाकीवरुन निघाले असता रहिमतपूर ते सातारा रस्त्याने जाणाऱ्या ट्रॅव्हल्सने (एमएच ४३ बीपी ४१९७) त्यांच्या दुचाकीस धडक दिली. यात महादेव अंतु शेंडगे (वय ७३) यांचा मृत्यू झाला, तर त्यांच्या पत्नी मंगल महादेव शेंडगे (वय ६६, दोघेही रा. धनगरवाडी) या जखमी झाल्या. गणेश चौकातील हॉटेल रुद्रच्या समोर दि. २१ रोजी ही घटना घडली. 

सातारा शहर पोलीस ठाण्यात आदित्य दाजीराम शेंडगे (वय २२, रा. धनगरवाडी, ता. सातारा, सध्या रा. देगाव फाटा, ता. सातारा) याने फिर्याद दिली असून, ट्रॅव्हल्स चालकावर गुन्हा दाखल झाला आहे. पोलीस उपनिरीक्षक भालेकर तपास करत आहेत.