सातारा : सातारा शहरात प्लॉट व्यवहाराच्या नावाखाली आपल्या मेहुण्यानेच एक व्यक्तीची लाखो रुपयांनी फसवणूक केल्याचा धक्कादायक प्रकार समोर आला आहे. याबाबतचा गुन्हा सातारा शहर पोलिस ठाण्यात दाखल करण्यात आला आहे.

याबाबत पोलिसांनी दिलेल्या माहितीनुसार, फिर्यादी संजय शिवचरण मोदी (वय ५५) यांना त्यांचे मेहुणे उदय अशोक मोदी यांनी सांगितले की "मी साताऱ्यात प्लॉट घेतोय" "पैसे कमी आहेत, तुम्ही मदत करा" "मी एक वर्षात पैसे दुप्पट करून देतो" "प्लॉटही देतो" "नातेवाईक आहे, कशी फसवणूक करणार?"

या भावनिक व नात्याच्या नात्यावरील विश्वासाचा गैरफायदा घेत फिर्यादीकडून आरोपीने ४० लाख रोख, १५० तोळे सोनं (अंदाजे रुपये ३८ लाख) असा तब्बल रुपये ७८ लाखांचा माल घेतला.

यानंतर आरोपीने केवळ रूपये १५.९९ लाख परत दिले, व उर्वरित रक्कम रुपये 62,10,000 घेऊन प्लॉट न देता गायब झाला. या गंभीर आर्थिक फसवणुकीबाबत सातारा शहर पोलीस ठाण्यात कलम ४२० अंतर्गत गुन्हा दाखल झाला आहे. याबाबतचा अधिक तपास पोलीस हवालदार झेंडे करत आहेत.