सातारा : अज्ञात चोरट्यांनी निवृत्त न्यायाधीशांचे घर फोडून सुमारे नऊ लाखांचा मुद्देमाल लंपास केल्याची फिर्याद फलटण शहर पोलीस ठाण्यात दाखल करण्यात आली आहे. 

याबाबत पोलिसांनी दिलेली माहिती अशी, दि. 2 ते 12 जानेवारी दरम्यान लक्ष्मी नगर, फलटण, ता. फलटण येथील सेवानिवृत्त न्यायाधीश विनायक हरिबा अभंग यांच्या राहत्या घराच्या खिडकीचे लोखंडी गज अज्ञात चोरट्यांनी कापून घरातील 8 लाख 83 हजार 700 रुपये किंमतीचे दागिने, रोख रक्कम तसेच कपडे घरफोडी करून चोरून नेले आहेत. अधिक तपास पोलीस उपनिरीक्षक दिनेश शिंदे करीत आहेत.