सातारा : किरकोळ कारणावरून एकास मारहाण करून नुकसान केल्याप्रकरणी तीन जणांविरोधात शाहूपुरी पोलीस ठाण्यात गुन्हा दाखल करण्यात आला आहे. 

याबाबत पोलिसांनी दिलेली माहिती अशी, दि. 11 रोजी दुपारी अडीच ते पावणेपाच वाजण्याच्या दरम्यान शाहूपुरी रिक्षा स्टॉप, शाहूपुरी चौक, सातारा येथे नितीन धोंडीराम पवार रा. गेंडामाळ नाका, शाहूपुरी, सातारा यांना लोखंडी रॉड सह काठीने, हाताने आणि लाथाबुक्क्यांनी मारहाण केल्याप्रकरणी तसेच त्यांचा मोबाईल फोन फोडून नुकसान केल्याप्रकरणी विष्णू जांभळे, सुरज विष्णू जांभळे दोन्ही रा. आंबेदरे रोड, शाहूपुरी सातारा आणि नरेश धर्मराज जांभळे रा. शाहूपुरी सातारा यांच्या विरोधात गुन्हा दाखल करण्यात आला आहे. अधिक तपास पोलीस हवालदार राजगे करीत आहेत.