सातारा : जुना आरटीओ चौक ते वाढे फाटा या रस्त्यावर वाहतूक कोंडी कायम असताना कॅप्टन शिंदे पोलीस चौकीसमोर आज गुरुवारी दुपारी भरधाव व बेदरकार दुचाकीने समोरून येणाऱ्या एक्टिवाला धडक दिली. याबाबतची नोंद शाहूपुरी पोलिस ठाण्यात करण्यात आली आहे.

याबाबत पोलिसांनी दिलेली माहिती अशी, यामध्ये स्वरा अमोल कणसे (वय १७) ही तिच्या मावशीसोबत ब्युटी पार्लरकडे जात असताना विरुद्ध दिशेने येणाऱ्या दुचाकीने त्यांच्या वाहनाला प्रचंड जोरात धडक दिली.

धडकेत दोघीही गंभीर जखमी झाल्या असून त्यांना तत्काळ रुग्णालयात दाखल करण्यात आले. या प्रकरणी शाहूपुरी पोलीस ठाण्यात गुन्हा नोंद आहे व तपास पोलीस हवालदार कांबळे करत आहेत.