सातारा : सातारा शहर सह तालुक्यात घडलेल्या दोन वेगवेगळ्या घटनांमध्ये दोन जण बेपत्ता झाल्याच्या फिर्यादी संबंधित पोलीस ठाण्यांमध्ये नोंदविण्यात आल्या आहेत.

याबाबत पोलिसांनी दिलेली माहिती अशी, दि. १८ रोजी सकाळी आठ वाजण्याच्या सुमारास प्रकाश गणपती दंडवते रा. गोडोली, सातारा हे राहत्या घरातून कोणास काही एक न सांगता निघून गेले आहेत. अधिक तपास महिला पोलीस हवालदार पाटील करीत आहेत.

दुसऱ्या घटनेत, दि. १९ रोजी दुपारी दीड वाजण्याच्या सुमारास सातारा तालुक्यातील एका गावात राहणारी ३३ वर्षीय विवाहिता राहत्या घरातून कोणास काही एक न सांगता निघून गेली आहे. याबाबतची फिर्याद तिच्या पतीने सातारा तालुका पोलीस ठाण्यात नोंदवली आहे. अधिक तपास पोलीस हवालदार पिसाळ करीत आहेत.