सातारा : महिलेचा विनयभंग केल्याप्रकरणी तसेच एकास मारहाण केल्याप्रकरणी पाच जणांविरोधात सातारा शहर पोलीस ठाण्यात गुन्हा नोंदविण्यात आला आहे.

याबाबत पोलिसांनी दिलेली माहिती अशी, दि. १९ ऑगस्ट ते २२ ऑक्टोबर दरम्यान सातारा शहरातील एका उपनगरात राहणाऱ्या महिलेच्या मोबाईलवर अश्लील मेसेज करून तिचा विनयभंग केल्याप्रकरणी आकाश प्रदीप पवार रा. अमरलक्ष्मी, देगाव रोड, सातारा याच्या विरोधात सातारा शहर पोलीस ठाण्यात गुन्हा दाखल करण्यात आला आहे.

दरम्यान, दि. २२ रोजी रात्री साडेनऊ ते दहा वाजण्याच्या सुमारास आकाश प्रदीप पवार रा. अमरलक्ष्मी, देगाव रोड, सातारा याला मारहाण केल्याप्रकरणी चार महिलांविरोधात सातारा शहर पोलीस ठाण्यात गुन्हा दाखल करण्यात आला आहे. अधिक तपास पोलीस हवालदार देशमुख करीत आहेत.