सातारा : नगरपालिकेच्या निवडणूकीत प्रभाग क्र.16 मध्ये भाजपचे अधिकृत उमेदवार अॅड. दत्तात्रय गणपत बनकर आणि वैशाली प्रकाश राजेभोसले यांच्या कमळ चिन्हाचा बोलबाला आहे. 

सातारा नगरपालिकेत उपनगराध्यक्ष पदावर असताना गोडोली परिसराच्या चौफेर विकासाचे व्हिजन, कायदेशीर ज्ञान, निधी खेचून आणण्याचे कौश्यल्य, राजकीयदृष्टया सक्षम आणि दिलेला शब्द पाळणारा नेता, अशी ओळख निर्माण करणाऱ्या अॅड. दत्तात्रय गणपत बनकर तथा डि. जी. बनकर आणि महिला संघटनातून पुढे आलेल्या वैशाली राजेभोसले यांना प्रभाग क्र.16 साठी नगरसेवक अॅड. डि. जी. बनकर आणि वैशाली राजेभोसले म्हणून निवडून देत कमळच फुलवण्याचा निर्धार मतदारांनी केला आहे.

दिलेल्या शब्दाची वचनपुर्ती करणारे हे स्थानिक उमेदवार प्रभाग 16 साठी भाजपने अधिकृतपणे दिले आहेत. प्रभागासाठी गतीशील विचार आणि विकासात्मक धोरण घेऊन दोन्ही उमेदवार निवडणुकीला सामोरे जात आहेत. अॅड. डि. जी. बनकर यांनी यापुर्वी गोडोली परिसरातील विकासकामे, विविध लोकप्रिय उपक्रम, अनेक योजनांची यशस्वी अंमलबजावणी केल्या आहेत. त्यामुळे त्यांच्या विरोधकांना आरोप करण्यासाठी एक शब्दपण नाही.

शहर आणि परिसरात राजमाता कल्पनाराजे

भोसले आणि खासदार उदयनराजे भोसले यांच्या कल्पना विकसित करण्यासाठी सर्वोत्तम योगदान अॅड. डि. जी. बनकर यांनी आजपर्यंत दिले आहे. प्रभाग 16 मधील आयुर्वेदिक गार्डन उभारणी करण्यात अॅड. डी.जी. बनकर यांचेच परिश्रम आहेत. त्याचबरोबर नागरिकांच्या सोयीसुविधांसाठी अनेक विकासकामांचे व्हिजन घेऊन ते निवडणूक रिंगणात उतरले आहेत.

अॅड. डि. जी. बनकर आणि वैशाली राजेभोसले यांच्या प्रचारार्थ ना. शिवेंद्रसिंहराजे भोसले यांनी प्रभाग क्रमांक 16 मधील काढलेल्या फेरीतील गर्दी पाहता हे दोन्ही उमेदवार मोठ्या मताधिक्यांनी विजयी होतील, असे स्पष्ट चित्र दिसते. मनोमिलन पॅटर्नमुळे प्रभाग 16 मधील दोन्ही राजांचे सर्व कार्यकर्ते एकत्र येऊन प्रचार करत आहेत. प्रभागातील सर्व मतदारांना थेट ओळखणारे हे दोन्ही उमेदवार असून कमळ हेच चिन्ह सर्वांना जवळचे वाटू लागल्याने जवळपास ही निवडणूक एकतर्फी वाटू लागली आहे.