सातारा : सातारा येथील जुन्या काळातील नामवंत वकील ॲड. आर. जे. कुलकर्णी (वय ७७) यांचे गुरूवारी दुपारी अल्पशा आजाराने निधन झाले. त्यांच्या मागे दोन मुले, एक मुलगी,सुना,नातवंडे असा परिवार आहे. 

ॲड. आर. जे. कुलकर्णी हे सहाय्यक जिल्हा सरकारी वकील ॲड. आशीर्वाद कुलकर्णी व दंतचिकित्सक वैभव कुलकर्णी यांचे वडील तसेच राष्ट्रवादी काँग्रेसचे प्रदेश सरचिटणीस नीलेश बी कुलकर्णी यांचे काका आहेत .जिल्हा सहाय्यक सरकारी वकील म्हणून काही काळ आर. जे. यांनी काम पाहिले होते. त्यांच्या निधनाबद्दल सर्वत्र हळहळ व्यक्त करण्यात येत आहे. डॉक्टर, वकील व अनेक प्रतिष्ठित मान्यवरांनी कुलकर्णी परिवाराला भेटून त्यांचे सांत्वन केले.