मुंबई : गेल्या अनेक दिवसांपासून ‘मुख्यमंत्री माझी लाडकी बहीण योजने’चा फेब्रुवारीचा हप्ता महिलांना (Women) कधी मिळणार, याकडे संपूर्ण महिला वर्गाचे लक्ष लागून होते. त्यानंतर आता राज्याच्या महिला व बालकल्याण मंत्री आदिती तटकरे यांनी माध्यमांशी बोलतांना महत्त्वाची माहिती दिली आहे.

मंत्री तटकरे म्हणाल्या की, “लाडकी बहीण योजनेचा महिलांना फेब्रुवारी आणि मार्च महिन्याचा हप्ता एकत्रित दिला जाणार आहे. येत्या ८ मार्चला म्हणजेच महिलादिनी (Women’s Day) लाडकी बहीण योजनेचा एकत्रित ३००० हजार रुपये मिळणार आहेत”, असे त्यांनी म्हटले.