सातारा : सातारा तहसील कार्यालयाने आवारामध्ये दिवसेंदिवस पडून राहिलेल्या 18 वाहनांचा मंगळवारी लिलाव केला. या लिलावातून तहसीलदार कार्यालयाला 18 लाख 93000 चा महसूल प्राप्त झाला येथील परिसर वाहन मुक्त झाला असून यापुढे अशा वाहनांची गर्दी होऊ दिली जाणार नाही, अशी माहिती तहसीलदार कार्यालयातून देण्यात आली आहे. 

अवैध गौण खनिज वाहतुकीवर कारवाईदरम्यान अठरा वाहने जप्त करण्यात आली होती. ही वाहने कित्येक दिवसापासून तास सातारा तहसील कार्यालयाच्या आवारात पडून होती. या वाहनांच्या गर्दीमुळे पार्किंगचा गंभीर प्रश्न निर्माण झाला होता ही वाहने इथून हटवावीत अशी तक्रार लोकशाही दिनामध्ये करण्यात आली होती. प्रांत सुधाकर भोसले यांनी ही मागणी लक्षात घेऊन वाहनांच्या लिलावाची प्रक्रिया मान्यता देऊन सुरू केली. तहसीलदार नागेश गायकवाड यांच्या उपस्थितीत ही प्रक्रिया राबवण्यात आली,

 यामध्ये चार ट्रॅक्टर, चार ट्रक, सहा ट्रेलर, एक लोखंडी बोट, तीन लोखंडी यारी, मोटारी व तीन लोखंडी जाळी यांचा समावेश होता. एकूण 19 वाहने लिलावात होती एका वाहनधारकाने लिलावापूर्वी पूर्ण रक्कम भरून वाहन सोडवून घेतले. लिलावासाठी निश्चित रक्कम दहा लाख 70 हजार रुपये होती. या लिलावत प्रत्यक्षात एकूण 18 वाहनांच्या लिलावाचा 18 लाख 93 हजार रुपये महसूल शासकीय जमा झाला. तहसीलदार कार्यालय परिसर वाहन मुक्त झाल्याने सातारकरांनी सुटकेचा निश्वास सोडला आहे.