सातारा : जकातवाडीकरांचे आराध्य दैवत असलेल्या श्री जानाई मळाई देवीची यात्रा काल दि. 30 रोजी उत्साहात साजरी करण्यात आली.

मराठी नवीन वर्षाचा शुभारंभ तसेच चैत्र नवरात्रारंभ म्हणजे गुढीपाडवा. गुढीपाडव्याच्या पवित्र दिनी जकातवाडी येथील श्री जानाई मळाई देवीची यात्रा उत्साहात साजरी करण्यात आली.

हरिभाऊ आप्पा काटे यांच्या निवासस्थानी असलेल्या श्री जानाई मळाई देवीच्या मंदिरात यात्रा उत्सव भक्तीभावाने साजरा करण्यात आला. सकाळी देवीची विधिवत पूजा करण्यात आली. देवीला नैवेद्य, ओटी भरून देवीचे पूजन करण्यात आले. यात्रेनिमित्त परिसरातील ग्रामस्थांच्या उपस्थित देवीची पालखी मिरवणूक (छबिना) मान्यवरांच्या साथीने काढण्यात आला. गुलालाची उधळण, शेकडो जणांच्या उपस्थितीत श्री जानाई मळाई देवीच्या नावानं चांगभलं या जयघोषाने सर्व जकातवाडी परिसर दुमदुमून गेला होता. यात्रा उत्सव शांततेत व सौहार्दपूर्ण वातावरणात साजरा होण्यासाठी काटे परिवार व जकातवाडी ग्रामस्थांनी सहभाग दर्शवला.

यावेळी पंढरीनाथ पवार, सुनील काटे, नारायण चव्हाण, गणेश चव्हाण (फौजी), एकनाथ पवार, गोकुळ निंबाळकर, अंकुश पिसाळ, प्रवीण लव्हाटे, नितीन लव्हाटे, सचिन पिसाळ, विक्रम सावंत, जयेश सावंत, विठ्ठल चव्हाण, रविराज सावंत, विक्रम चव्हाण, विनोद चव्हाण, सोमनाथ चव्हाण, महेश गायकवाड, रोहित सावंत, किरण सावंत, रोहित मोहिते, आकाश पिसाळ, नितीन कदम, राज मोहिते, मंगेश गायकवाड, ऋषिकेश काटे, अभिषेक काटे, साईराज भोसले, यश पवार व महिला मंडळआदींची प्रमुख उपस्थिती होती.