सातारा : राज्याचे ग्रामविकास मंत्री जयकुमार गोरे यांचे वडील भगवानराव रामचंद्र गोरे (दादा, वय ७६) यांचे पुणे येथे निधन झाले. 

ग्रामविकास मंत्री जयकुमार गोरे यांचे वडील भगवानराव गोरे यांच्यावर पुणे येथील एका रुग्णालयात उपचार सुरू होते. उपचारा दरम्यान त्यांचे मंगळवारी पहाटेच्या सुमारास निधन झाले. बोराटवाडी येथे त्यांचे पार्थिव आणण्यात आले. त्यानंतर सायंकाळी चारनंतर त्यांच्या पार्थिवावर अंत्यसंस्कार करण्यात आले. भगवानराव गोरे हे बोडके ग्रामपंचायतचे माजी सरपंच होते. त्यांच्या पश्चात अंकुश, जयकुमार, शेखर गोरे ही मुले तर सुरेखा ही कन्या आहे.