सातारा : रोटरी प्रांत ३१३२, रोटरी क्लब ऑफ सातारा व रोटरी क्लब ऑफ सातारा चॅरिटेबल ट्रस्टच्या माध्यमातून सातारा शहर व परिसरात वैकुंठ स्मशानभूमीच्या माध्यमातून अंत्यसंस्काराचे काम करणाऱ्या बालाजी चॅरिटेबल ट्रस्टकडे शीत शवपेटी सुपूर्द करण्यात आली.

रोटरी प्रांत ३१३२ चे २०२४-२५ चे‌ प्रांतपाल रो डॉ सुरेश साबू यांच्या संकल्पना आणि पुढाकारातून रोटरी प्रांत ३१३२ मध्ये कंपन्यांच्या सामाजिक उत्तरदायित्वाच्या सहभागातून राबविलेल्या या प्रकल्पामुळे सातारा शहर व परीसरात आता अत्याधुनिक शवपेटी उपलब्ध होत आहे. 

याप्रसंगी बालाजी चॅरिटेबल ट्रस्टचे संस्थापक राजेंद्र चोरगे यांनी रोटरीच्या या उपक्रमाचे स्वागत केले.  

रोटरी क्लब ऑफ सातारा चे अध्यक्ष किशोर डांगे यांनी शीत शवपेटीच्या उपक्रमाची पार्श्वभूमी विशद केली. बालाजी चॅरिटेबल ट्रस्टने ही शीत शवपेटी स्विकारुन रोटरीला सहकार्य केल्याबद्दल कृतज्ञता व्यक्त केली. 

रोटरी क्लब ऑफ सातारा चॅरिटेबल ट्रस्टचे सचिव प्रा डॉ धनंजय देवी यांनी रोटरी क्लबने गेल्या ८२ वर्षांपासून सातारा शहरात राबवत असलेल्या उपक्रमांचा आणि कार्याचा आढावा घेतला.‌‌ पुढील काळातही आंतरराष्ट्रीय पातळीवर रोटरी तर्फे विविध उपक्रम राबवण्याचे सूतोवाच त्यांनी केले.

माजी रोटरी प्रांतपाल डॉ सुरेश साबू (जालना)यांनी ओम्नी स्ट्राॅग स्टील ॲन्ड अलाॅय जालना व मुडीज कुलिंग जालना यांच्या सहकार्याने ही संकल्पना आकाराला आल्याचे सांगितले. 

बालाजी चॅरिटेबल ट्रस्टचे सदस्य कदम यांनी शीत शव पेटी गरजू कुटुंबाला केवळ वाहतूक व हाताळणी खर्चात उपलब्ध होईल असे स्पष्ट केले.

रोटरी क्लब ऑफ सातारा चे २०२४-२५ चे अध्यक्ष जयंतीलाल पटेल यांनी शीत शव पेटी चे लोकार्पण झाल्याची औपचारिक घोषणा केली. याप्रसंगी पत्रकार शरद काटकर, दीपक प्रभावळकर यांनीही मनोगत व्यक्त केले.

 कार्यक्रमास रोटरी क्लबचे सचिव अभिजित लोणकर, नियोजित अध्यक्ष मनोज गायकवाड, ट्रस्टचे अध्यक्ष ॲड सुनील सांगळे, सदस्य सुभाष ताटे, बालाजी चॅरिटेबल ट्रस्टचे विश्वस्त जगदीश खंडेलवाल, हरिदास साळुंखे, अंबाजी देसाई, उदय गुजर, नितीन माने, संतोष शेंडे, ज्येष्ठ अद्वैत प्रभावळकर, जगदीप शिंदे, श्रावण पाटील, चंद्रशेखर मोटे, संजय केंडे व श्री बालाजी चॅरिटेबल ट्रस्टचे कर्मचारी उपस्थित होते.

दरम्यान शीत शवपेटी सुविधेमुळे शहर व परिसरातील नागरिकांची मोठी सोय होणार आहे.‌ रोटरी क्लब ऑफ सातारा, रोटरी क्लब ऑफ सातारा चॅरिटेबल व बालाजी चॅरिटेबल ट्रस्टच्या या उपक्रमाचे सर्वत्र स्वागत होत आहे.

सातारा येथील रोटरी क्लब आणि रोटरी क्लब चॅरिटेबल ट्रस्टच्या वतीने बालाजी चॅरिटेबल ट्रस्ट कडे माहुली येथील वैकुंठ स्मशानभूमीत येथे शीतशेवपेटी सुपूर्त करताना रोटरी क्लब आणि ट्रस्टचे पदाधिकारी उपस्थित होते.