मुंबई : लोकप्रिय दाक्षिणात्य अभिनेता ममूटी यांच्या विषयी एक धक्कादायक बातमी समोर आली आहे. असं म्हटलं जात आहे की 73 वर्षांच्या या मल्याळम अभिनेत्याला कोलन कॅन्सर झाला आहे, आणि त्यांनी उपचारासाठी सुट्टी घेतली आहे. दरम्यान, या सगळ्यात ममूटी यांच्या पीआर टीमनं यावर प्रतिक्रिया देत सांगितलं आहे की ते निरोगी असून त्यांना काहीही झालेलं नाही. तर या सगळ्या अफवा असल्याचं सांगितलं आहे.

ममूटीच्या पीआर टीमनं मिड-डेला दिलेल्या माहितीनुसार, 'ही खोटी बातमी आहे. ते सुट्टीवर आहे कारण ते रमजानसाठी उपवास करत आहेत. यासाठी त्यांनी त्यांच शूटिंग शेड्यूलमधून ब्रेक घेतला आहे. खरंतर ब्रेकनंतर मोहनलाल यांच्यासोबत महेश नारायणन यांच्या चित्रपटाच्या शूटिंगवर परतणार आहे.' 

दरम्यान, ममूटी आणि मोहनलाल यांच्या महेश नारायणनं यांच्यासोबतच्या चित्रपटाचं पहिलं शेड्यूल हे श्रीलंकामध्ये सुरु झालं. 150 दिवसांच्या शेड्यूलमध्ये श्रीलंका, लंडन, अबू धाबी, अजरबैजान, थायलॅन्ड, विशाखापट्टनम, हैदराबाद, दिल्ली आणि कोचीसोबत इतर काही ठिकाणी शूटिंग होणार आहे. यात फहाद फाजिल, नयनतारा आणि कुंचाको बोबन देखील आहेत. त्यांच्या या चित्रपटाचं नाव अजून ठरलेलं नसून सध्या MMMN (ममूटी, मोहनलाल, महेश नारायणन) हे आहे. 

या आधी अशी अफवा होती की मोहनलाल या चित्रपटामध्ये फक्त पाहुण्या कलाकाराची भूमिका साकारणात आहेत. महेश नारायण यांनी या बातमीला खोट असल्याचं म्हटलं आणि हॉलिवूड रिपोर्ट्र इंडियाशी बोलताना सांगितलं की 'सगळ्या कलाकारांकडे अभिनय करण्यासाठई खूप कॉन्टनेट असलेला एक दमदार अशी भूमिका आहे. मोहनलाल सर हे पाहुण्या कलाकाराच्या भूमिकेत नाही तर त्यांची देखील महत्त्वाची भूमिका साकारणार आहेत.

ममूटी पुढच्या वेळी एका अ‍ॅक्शन थ्रिलर 'बाजूका' मध्ये दिसणार आहे. या चित्रपटाचे दिग्दर्शन दीनो डेनिस करणार आहेत. यात गौतम वासुदेव मेनन देखील असणार आहे. हा चित्रपट 10 एप्रिल 2025 मध्ये प्रदर्शित होणार आहे. गेल्यावेळी ते गौतम वासुदेव मेनन यांच्या 'डोमिनिक अ‍ॅन्ड द लेडीज पर्स' मध्ये दिसले होते.