योगाचा रोजच्या आयुष्यात अवलंब केल्याने केवळ शारीरिक आरोग्य सुधारतेच असे नाही तर मानसिक संतुलन आणि अध्यात्मिक जागृकता निर्माण होण्यासही मदत होते. आजच्या धकाधकीच्या जीवनशैलीत योग एक प्रभावी उपाय असल्याचं सिद्ध होताना दिसत आहे.त्यामुळेच आरोग्य, ध्यान आणि आत्म-साक्षात्कारासाठी ते महत्त्वाचे समजलं जात आहे. योग आता केवळ एक प्राचीन परंपरा राहिलेली नाही तर ती एक जागतिक आरोग्य चळवळ बनली आहे. गेल्या काही वर्षांत, योगगुरू बाबा रामदेव यांच्या कंपनी पतंजलीनेही लाखो लोकांचे लक्ष शारीरिक, मानसिक आणि आध्यात्मिक आरोग्यासाठी योगाकडे वेधले आहे. (Yoga)

पतंजली जो योग सांगतो त्यानुसार,योगाचे मुख्य उद्दिष्ट व्यक्तीचे शरीर, मन आणि आत्मा यांच्यात संतुलन निर्माण करणे आहे. यात आठ भाग आहेत, ज्यांना अष्टांग योग म्हणतात. 

काय आहेत हे भाग?

यम (नैतिक तत्वे)

नियम (वैयक्तिक शिस्त)

आसने (शरीराची आसने)

प्राणायाम (श्वास नियंत्रण)

प्रत्याहार (इंद्रियांवर नियंत्रण)

धारणा (एकाग्रता)

ध्यान (ध्यान)

आणि समाधी (आध्यात्मिक ऐक्य)

पतंजलीतून योगाच्या कार्यशाळाही..

 पतंजली योग फाउंडेशनसारख्या संस्था या प्राचीन परंपरेला आधुनिक जीवनशैलीत समाविष्ट करण्यासाठी काम करत आहेत.असा दावा पतंजली करते. उत्तराखंडमधील ऋषिकेश या योग नगरीत स्थित असणारी ही संस्था योग आणि आयुर्वेदाद्वारे समग्र आरोग्य देण्याचा प्रयत्न करते. येथे हठयोग, अष्टांगयोग, कुंडलिनी योग आणि उपचारात्मक योग असे विविध प्रकारचे योग सत्रे आणि कार्यशाळा आयोजित केल्या जातात. असे पतंजलीकडून सांगण्यात आलं.विशेषतः, तणाव, चिंता आणि जीवनशैलीशी संबंधित इतर समस्यांनी ग्रस्त असलेल्यांसाठी उपचारात्मक योग फायदेशीर आहे. यामध्ये आसने, प्राणायाम, ध्यान आणि विश्रांती तंत्रांचा वापर केला जातो. असेही पतंजली सांगते.

आयुर्वेदही पतंजली योग फाउंडेशनच्या कार्यक्रमांचा भाग

योगाला पूरक असलेले आयुर्वेद हे देखील पतंजली योग फाउंडेशनच्या कार्यक्रमांचा एक भाग आहे. यात वैयक्तिक आयुर्वेदिक सल्ला दिला जातो.ज्यामध्ये आहार, जीवनशैली आणि औषधी वनस्पतींद्वारे आरोग्य राखण्यासाठी उपाय सुचवले जातात. पतंजली योगाच्या लोकप्रियतेचे एक प्रमुख कारण म्हणजे ते केवळ शारीरिक आरोग्यापुरते मर्यादित नसून तर मानसिक आणि आध्यात्मिक विकासावर देखील भर देते. लोकांना तणावमुक्त जीवन जगण्यास आणि आत्म-साक्षात्कार प्राप्त करण्यास पतंजली प्ररित करते.

योगाची लोकप्रियता सतत वाढत आहे - पतंजली

शांत आणि नैसर्गिक वातावरण आत्म-साक्षात्कार आणि मानसिक शांतीसाठी आदर्श आहे. पतंजली कंपनीचा दावा आहे की एकूण जीवनशैलीत सुधारणा शोधणारे लोक पतंजली योग फाउंडेशनकडे वळत आहेत आणि त्याची लोकप्रियता सतत वाढत आहे. असेही पतंजलीकडून सांगण्यात आले.

अनेक संस्था योगाबद्दल जागरूकता पसरवत आहेत.

भारतात योगाची लोकप्रियता झपाट्याने वाढत आहे आणि ती केवळ एक प्राचीन पद्धत म्हणूनच नव्हे तर आधुनिक जीवनशैलीचा एक भाग म्हणून देखील ओळखली जात आहे. सरकार, आरोग्य संस्था आणि पतंजली व्यतिरिक्त, अनेक खाजगी संस्था देखील याबद्दल जागरूकता वाढवण्यासाठी सक्रियपणे योगदान देत आहेत.