सातारा : व्यसनमुक्ती आणि मधुमेह मुक्ती बाबत गेल्या अनेक वर्षांपासून अव्यहातपणे कार्य केल्याप्रकरणी जाधव पिता-पुत्राचा व्यसनमुक्ती पुरस्कार देऊन गौरव करण्यात येणार आहे. 

याबाबत मिळालेली माहिती अशी, कोल्हापूर येथील समर्थ सोशल फाउंडेशन आणि शिवशंभू निवासी व्यसनमुक्ती व पुनर्वसन केंद्राच्या वतीने देण्यात येणारा व्यसनमुक्ती व मधुमेहमुक्ती दूत पुरस्कार येथील माजी सैनिक अनिल महादेवराव जाधव आणि त्यांचे चिरंजीव निखिल अनिल जाधव यांना जाहीर झाला आहे. येत्या 29 सप्टेंबरला या पुरस्काराचे वितरण कोल्हापूर येथे केले जाणार असल्याची माहिती संस्थेने दिली आहे. जाधव पिता-पुत्र हे अनेक वर्षांपासून व्यसनमुक्ती व मधुमेह मुक्ती अभियान राबवीत आहेत. त्यांच्या या कार्याची दखल घेऊन त्यांना पुरस्काराने गौरविण्यात येणार आहे.