सातारा : श्री उत्तर चिदंबरम नटराज मंदिरात सध्या महाशिवरात्री संगीत व नृत्य महोत्सवात महाशिवरात्रीला बुधवार दि.26ला सायंकाळी 6 वाजता मुंबई येथील विदुषी रागिणी चिक्शी आणि विदुषी गुंजन मिश्रा यांचे भरतनाट्यम सादर होणार असून यावेळी संगीत साथ गायन शिवप्रसाद एन, मृदुंगवर श्री सुरेश सेतू माधवन आणि व्हायोलिन साथ श्रीकृष्ण नटराजन हे करणार आहेत.

दरम्यान सुरू असलेल्या उत्तर चिदंबरम नटराज मंदिरात सध्या महाशिवरात्री संगीत व नृत्य महोत्सवात चंद्रशेखरेंद्र सरस्वती कला मंदिर रंगमंचावर रुचिरा इंगळे यांच्या रुचिन्यास संस्थेच्या बालकलाकारांनी या कार्यक्रमाची सुरुवात ..पुष्पांजली.. या नृत्य आणि करत भगवान नटराज गुरु संगीतकार आणि प्रेक्षकांना वंदन करताना ही रचना अतिशय सुरेख आदि तालात बद्ध होती आणि गंभीर नाट्य रागात सादर केली. त्यानंतर ..श्री गणेश शरणम ..हे कर्नाटक संगीत क्षेत्रातील संगीतकार व गायक पापनाशम शिवम यांनी रचलेली रचना आदि तालात आणि तीलंग रागात सादर केली. त्यानंतर श्लोकम या प्रकारात नटराज, सरस्वती, गणेश आणि महालक्ष्मीला वंदन करणारी रचना श्लोक मधून सादर झाली. त्यानंतर शिवस्तुती यामध्ये विद्वान श्री कार्तिक हेब्बर यांनी संगीतबद्ध केलेली ही रचना आधी तालात सुमनस रंजनी रागात स्वतः गुरु रुचिरा यांनी सादर केली. त्यानंतर.. ठुमक चलत रामचंद्र ..या पदावर संत कवी तुलसीदास आणि भगवान श्रीरामाच्या बाल रुपाचे जे वर्णन केले आहे ते मिश्र जन ज्योती रागात स्वतः रुचिरा यांनी सादर केले.

 त्यानंतर शिवकीर्ती असणारे.. महादेव शिव शंभो.. या शिवकृतीचे रचना त्यागराज शंकर अय्यर यांनी केली. या रचनेवर रेवती रागात हे नृत्य सादर झाल्यानंतर कृष्णप्रदम .. आडीनये कन्ना . ही रचना मोहन कल्याणी रागात सादर झाली. त्यानंतर शिवपंचाक्षर या जगतगुरु आदी शंकराचार्य.यांनी रचलेल्या स्तोत्रावर न म शि वा य ही पंचाक्षरे अनुक्रमे पृथ्वी, जल, अग्नी, वायु व आकाश अशा पाच तत्त्वांचे प्रतिनिधित्व करतात हे सांगणारा हा श्लोक आहे. यमन कल्याणी आणि शिवरंजनी रागातील रचना कलाकारांनी सादर करताना आपल्या नृत्य साधनेचे दर्शन उपस्थित प्रेक्षकांना घडविले. त्यानंतर कुलदीप यांनी संगीतबद्ध केलेली ..राम राम ..ही नामावली आदि आलात मध्यमवती रागात बालकलाकारांनी सागर करताना उपस्थित प्रेक्षकांनी टाळ्यांचा गजर केला. नंतर या कार्यक्रमात नृत्य सादर होताना ताल - आदी ताल,राग- हिंडोलम. रचना - धनदायुध पानी पिल्लैई यांनी संगीतबद्ध केलेली हिंडोलम तिल्लाना सादरीकरण गुरू रुचिरा इंगळे यांनी सादर केले.

भरतनाट्यम मार्गम सादरीकरणामधील शेवटी सादर केला जाणारा नृत्य प्रकार आहे.यामध्ये भगवान शिवाचे वर्णन केले आहे. मंगलमने कृतज्ञता वक्त करण्यासाठी सादर केलेला नृत्यप्रकार सादर करून या कार्यक्रमाची सांगता केली. या नृत्य कार्यक्रमात रुचिरा इंगळे यांचे समावेत काव्या जगताप, युतीका पुजारी, प्रज्ञा पुजारी, संहिता संगमवार, श्रुती मुळे, सेहरीश खानजादे, नारायणी बर्गे, अनुष्का बागल, अनिता लाडे, स्वरा पांढरपट्टे ,प्रांशी शेट्टी, सिद्धी पाटील, लावण्या सणस, सेजल सणस, दिव्या कदम, सई वाटेगावकर, चरित्रा पुजारी, आराध्या चौगुले, सानवी तिखे आणि अनुष्का माने यांनी सहभाग घेतला. या सर्व नृत्य कलाकारांचा सत्कार नटराज मंदिराचे वतीने संयोजिका सौ.उषा शानभाग, सौ. आंचल घोरपडे, सौ. कांचन शहाणेव सौ राजश्री शिंदे यांनी स्मृतिचिन्ह व प्रमाणपत्र देऊन केला. ही नृत्य सादर होताना सातारा शहरातील विविध शाळेतील बालचित्रकारांनी याप्रसंगी नटराज्याची विविध चित्रे रेखाटली .यामध्ये श्रेया जोशी, अवनी कुलकर्णी, आरती जाधव आणि सारा जाधव यानी सहभाग घेतला. याप्रसंगी या कार्यक्रमाचे सूत्रसंचालन पत्रकार अतुल देशपांडे यांनी केले. याप्रसंगी रमेश शानभाग, वासुदेवराव नायर, सौ.उषा शानभाग, व्यवस्थापक चंद्रन, नारायणराव यांचेसह विविध क्षेत्रातील मान्यवर उपस्थित होते. या महोत्सवात बुधवार दि.26 सकाळी नऊ ते बारा या वेळेत सातारा येथील स्वरसाधना संगित विद्यालयाच्या याच्या ज्येष्ठ गायक कलाकार शास्त्रीय गायन सेवा मंदिरात सादर करणार आहेत ,त्यानंतर 'गायन सेवा कु. वेदांगीनी संदिप कुलकर्णी (राम), पुणे, सायं. 6.00 ते 8.00 'भरतनाट्यम् सेवा' गुरु सौ. आंचल घोरपडे आपली नृत्य सेवा सादर करणार आहे,सायं. 8.00 ते 10.00 नटराज नृत्य कलाशाला ग्रुप, साताराचे कलाकार आपली नृत्य सेवा सादर करणार आहेत.