सातारा : जिल्हा परिषदेच्या पुढील इमारतीला दिव्यांगाकरता पूर्वीचे असलेले रॅम्प व्यवस्थित नव्हते. तर पाठीमागच्या इमारती रॅम्प खूप उंच असून त्यास रेलिंग नाही. याबाबत दिव्यांग संघटनांनी सतत जिल्हा परिषदेच्या मुख्य कार्यकारी अधिकारी यांच्याकडे मागणी केली होती. त्यानुसार प्रत्यक्ष कार्यवाहीला रविवारी सुरुवात झाली. रविवारी दिव्यांगाचे रॅम्पचे काम करण्यात आले. त्याचबरोबर पुढच्याच इमारतीत पश्चिम बाजूला नळाच्या पाईपला गळती लागली होती. त्याही दुरुस्तीचे काम हाती घेण्यात आले आहे.

झेडपीच्या या इमारतीच्या तळ मजल्यात समाजकल्याणचे कार्यालय आहे. त्या कार्यालयात दिव्यांग विभाग असून त्यामध्ये जिल्ह्याच्या कानाकोपऱ्यातून दिव्यांग अडीअडचणी घेवून येत असतात. त्यांना जिल्हा परिषदेमध्ये जाताना व येताना रॅम्प होता. परंतु तो नेटका नव्हता. त्याबाबतची मागणी दिव्यांग प्रेरणा सामाजिक संस्थेबरोबर इतर संघटनांनीही केली होती. त्यानुसार जिल्हा परिषदेचे बांधकाम विभागाचे अभियंता मोहसिन मोदी यांनी ही बाब सकारात्मकदृष्टीने घेवून तेथे रॅम्प तयार करण्याच्या सुचना दिल्या गेल्या. त्यानुसार रविवारी रॅम्प तयार करण्यात आला. त्याचबरोबर कित्येक दिवसांपासून पुढच्या इमारतीच्याच पश्चिम बाजूला भिंतीवरुन पाणी गळत होते. तेच पाणी साठून डास तयार होत होते. त्याबाबतही दुरुस्ती करण्याच्या सुचना अभियंता मोदी यांनी दिल्यानंतर दुरुस्तीचे काम हाती घेण्यात आले.

झेडपीच्या सीईओंचे आभार

दिव्यांगाच्या सर्व बाबींचा विचार करुन जिल्हा परिषदेच्या मुख्य कार्यकारी अधिकारी श्रीमती याशनी नागराजन यांनी रॅम्पबाबत सुचना दिल्या. त्याबाबत त्यांचे आम्ही दिव्यांग बांधवांच्यावतीने आभार मानतो.

-अजय पवार, दिव्यांग प्रेरणा सामजिक संघटना अध्यक्ष.